Aloo Tikki Bread Sandwich – Bread Aloo Tikki Banane ki Vidhi

Aloo Tikki Bread Sandwich Ingredients:

• Aloo- 4
• Bread – 8
• Lal Mirch – ½ chammach
• Ararot – 1 chammach
• Mayonnaise – 2 Bade chammch
• Hari Chutney
• Lal Chutney
• Namak – Swadanusar

Aloo Tikki Bread Sandwich Banane ki Vidhi:

1. Aloo Tikki Bread Sandwich ke liye sabce pehle aloo tikki tyaar karenge, uske liyeAloo ko dho kar cooker mein ubaal lein.
2. Ubale aloo thanda hone par chheel lein aur mash kar lein.
3. Mash kiye hue aloo mein ararot aur swadanusaar namak daalkar mix karein.
4. Ab aloo ke mishran ka ek peda lekar haatho se gol aakar dekar dabaye aur tikki ki shape dein.
5. Non stick pan ya tawe par tel garam hone rakhein.
6. Tel garam hone par aloo ki tikki daalein.
7. Ek taraf se halka sunhera hone par palat dein aur palte se halka halka dabayein.
8. Madhyam aanch par tikki ko dono taraf se sunhera aur kurkura hone tak pakayein.
9. Fried aloo tikki ko tissue paper par nikaalein.
10. Ab ek bread slice lekar uspar ek taraf se thodi di mayonnaise aur hari chutney lagakar faila lein.
11. Phir slice par fried do fried tikki rakhein aur upar se ek aur bread slice rakh kar sandwich tyaar karein.
12. Ab tawe yaa grill par greasing karke bread ko sek lein.
13. Bread jab dono taraf se sek jaayein tab serving plate par daalkar tamatar ki chutney ke saath serve karein.